焯皓拍MV狂NG呻苦

男歌手焯皓（Alan）日前拍攝新歌MV頻頻NG，他大嗌辛苦：「成個MV難度最高係要我做戲，因為要配合歌詞，話我進入夢境就可以見到分咗手嘅女朋友，呢段戲我NG咗八次先達到導演要求，下次再拍MV，我一定要爭取做番自己！」而他的姊姊、前港姐及作家梁佩瑚為撐弟弟，處女下海首度做MV監製，但她卻呻壓力大：「呢次做監製，緊張程度簡直可媲美我寫小說，因為由開會到拍攝，我要求過高又事事追求完美，幾乎同導演及Alan嘈起嚟，其實佢哋都明白我第一次做MV監製嘅壓力有幾大，仲要控制預算，最後大家當然冇事啦！拍攝完畢，剪接後出來嘅成果，真係好有滿足感！」