劉以達唔信「邪」Gym Gym自喜

結婚15載的歌手劉以達，日前與太太恩愛現身ontv《娛樂 onShow》接受訪問，二人開腔反擊早前被指返邪教的傳聞，又向主持人表示，力撐隊友黃耀明的「出櫃」宣言！

今年「三喜臨門」的劉以達（達哥），與太太冼美珍邁向15周年水晶婚、自己50「大壽」及自資新碟面世三件喜事。日前兩公婆亮相ontv接受《娛樂 onShow》主持人俞詠文（Angela）訪問，達哥與太太恩愛到暈，羨煞旁人。Angela問到今年即將推出的新碟是否福音碟時，達哥笑說：「信咗基督教兩、三年，但今次推出嘅碟唔係福音碟，因為我覺得福音碟嘅歌詞會有『我愛耶穌』、『我愛上帝』呢啲字眼，但新碟《第四度空間》係冇呢啲字！」

大愛包容撐明哥

早前有指達哥夫婦信奉的是邪教，達哥聞言即反擊說：「報道話我哋返嘅教會有人又喊又笑，但我冇見過呢啲情況！」達嫂冼美珍在旁補充：「如果有人真係大喊，我相信都係一種情緒嘅釋放。」對於是否支持「達明一派」隊友黃耀明的「出櫃」宣言，達哥說：「我哋要用愛去包容人。（支持明哥？）支持！要用愛去同人相處，就算佢有不足之處，都要接受佢！」

訪問當日，達哥夫婦「孖公仔」做Gym，想知道兩人有幾恩愛？立刻Click入ontv去片啦！