陳煒搏殺事業冷落老公

2008年下嫁台灣商人後淡出娛樂圈的前亞姐陳煒，去年復出轉到無綫拍劇，她直言對舊東主亞視沒有留戀︰「每個老闆有佢自己經營方式，外人干涉唔到，但於觀眾立場會覺得一個電視台唔好好哋做節目，唯一表示不滿嘅方法就係唔睇囉，冇嘢啱我睇咪唔睇！」

如今煒哥工作不斷，自言投入工作後便「六親不認」的她笑指與老公差不多大半個月才見一次，問到老公可有詐型？她說︰「佢仲忙過我！成日周圍飛，但依家科技發達可以用電話維繫，不過以前嘅年代冇咁嘅科技，我就唔會考慮復出。其實大家已經習慣咗，而且互相信任，係默契嚟！」