蕊蕊跳甩公主病

跳唱歌手蕊蕊為新歌大改形象，化身性感尤物，大騷驕人事業線。她更高呼不是公主，希望做獨立自主的女人，為現今女性平反 ！

近年轉型做歌手的蕊蕊擅長跳舞，努力開拓跳舞市場。現今社會認為嬌生慣養的女生有「公主病」，蕊蕊表示新歌《不做公主》是為自己大平反，坦言自己不是公主：「新歌就係想表達出我唔係公主，我都可以好硬淨、好獨立，唔需要大家成日去遷就我！同埋都好想透過呢隻歌幫其他女仔平反！」蕊蕊以往拍拖時，都會對男友百般遷就，絕不容易發脾氣，她說：「我唔使男友成日氹我，同埋唔多鬧交，鬧交會傷大家感情，又解決唔到件事，我覺得自己對住男友比較小鳥依人（唔驚畀男友食住？）唔驚，拍拖就係咁o架啦！」

為靚齋啃生果

日前她拍攝《不做公主》MV，邀得師妹Super Gear伴舞，令MV生色不少！今次蕊蕊一改形象，大騷身材走性感路線，事前為了拍攝效果完美，蕊蕊僅用生果充飢Keep Fit！在鏡頭前跳足八小時的她，毫無倦意，更不時教導兼照顧師妹。