關楚耀唱孱仔歌箍煲

關楚耀與拍拖兩年的圈外女友Megan情海翻波，復合無期，只好藉新歌《孱弱》唱出失戀心聲。慶幸公司為他圓夢，落實「525」舉行入行6年首個演唱會，總算呵番！

關楚耀（Kelvin）去年11月拍攝一部微電影，主題曲《孱弱》剛出爐，更正正講中他現時的痛處，他說：「拍拖初期最開心、最甜蜜，但到感情改變，就會有孱弱嘅時候。」他與舊愛Megan口說已分手，但卻被發現密密約會，問到感情狀況，他聲稱現時是「單身」，但說：「同佢拍咗拖兩年，心入面唔多唔少都掛住佢，有諗起佢。」他承認二人分手後仍有見面，嘗試能否重新開始，可惜唔Work，現在只好隨緣。

工作方面，Kelvin轉戰影壇後被打造成「夜蒲達人」，大家以為他對唱歌意興闌珊，其實他一直未有放棄，更籌備4月出碟，5月在Star Hall舉行入行6年首個演唱會！他已開始秘密練兵，埋首苦練唱歌、結他及體能，問到屆時會否騷肌肉，他笑說：「騷肌肉係演唱會嘅最基本嘢啦！唔騷畀人睇，我怕畀人噓喎！如果練到一身美好線條，騷畀大家睇又有乜所謂！」

唔擔心失寵

有指林德信成為環球的力捧目標，問到是否擔心失寵，Kelvin說：「冇特別去諗，相信公司喺擺位同資源調配都會好合理，公司亦畀咗好多機會我去拍戲，反而有好多人透過我演嘅戲認識我，繼而留意到我嘅歌。（公司幫你開演唱會，等如派定心丸？）同Duncan嘅合作關係一直好好，我會做好本分，對公司百分百信任！」