「寸嘴Barbie」夏尉喻洗臭口

以敢言出名的「寸嘴Barbie」夏尉喻（前名廖祉甯），日前身穿三點式大晒35C上圍，浸Spa「洗白白」兼刷牙漱口，為求「洗底」重新闖娛圈！她更刻意改名，希望有個新開始：「『夏尉喻』呢個名，係我學風水之後幫自己改嘅。之前大家覺得我好寸嘴，但我承諾以後會改口，希望大家大人不記小人過，畀個機會我改過！」

對於被指與金牌監製錢國偉（Wilson）「蜜遊」工展會，她說：「Wilson係我嘅恩師，成日教我做戲，之前我有份客串佢執導嘅《黑色喜劇》，好多謝佢畀機會我。」她坦言渴望蛇年有更多拍戲機會：「我真係好鍾意拍戲，希望可以拍多啲唔同嘅電影啦！」