陳爽啄住孟瑤學生仔

前華姐季軍陳爽，日前與內地女星孟瑤齊齊撇下老公，以「姊妹Look」翹住手逛街。心繫寶貝仔的孟瑤選購童裝期間，不時向新婚的陳爽傳授一索得男秘訣，希望對方早日加入靚媽行列！

前華姐陳爽下嫁金融才俊梁梓軒（Anthony）後加入「靚太團」，日前相約「晶女郎」孟瑤到尖沙咀掃貨！二人如此「Friend底」，全因擔任《獎門人》嘉賓後一見如故，孟瑤於2011年舉行婚宴時，陳爽特地飛往北京做姊妹，而最近陳爽結婚，孟瑤亦禮尚往來為其擔任姊妹團。

豪掃千元化妝品

當天，陳爽與孟瑤不約而同以毛毛披肩及黑色長Boots的「姊妹Look」示人，兩位靚太先進入一間手袋名店，邊睇邊雞啄唔斷，比較手袋的設計。逗留半小時後，二人翹住手轉戰下一站。進入商場後，二人被琳琅滿目的化妝品吸引，急急到專櫃試用，正當陳爽還仔細地挑選化妝品時，孟瑤已火速買下逾千元戰利品，非常豪氣！

廿四孝媽咪孟瑤豈會只顧自己？與囝囝Dustin分隔兩地的她，一見童裝店即拉着陳爽入內，揀衫期間，新婚不久的陳爽未知是否想為老公早日添丁，似乎急着問孟瑤一索得男的妙法，見孟瑤講到眉飛色舞，而陳爽亦聽得非常留心，不時點頭，最終逛足45分鐘才走人。