龔嘉欣讚姚子羚夠Friend

龔嘉欣昨日出席公開活動，提到好友姚子羚嘲笑鄧健泓愛「鋸扒」，龔嘉欣大讚好友心地好之餘，還感謝對方為她說話，兩姊妹一唱一和，相當抵死！

龔嘉欣、馬國明和李詩韻昨日於何文田出席公開活動，對於早前有傳因張嘉兒介入，導致龔嘉欣與鄧健泓分手，嘉欣好友姚子羚日前更暗諷鄧健泓愛「鋸扒」（被指豬扒的港姐張嘉兒），似為她出氣。對此，龔嘉欣說：「佢心地好好，我哋係好好嘅朋友，多謝佢為我講說話！（知唔知鄧健泓有冇拍拖？）冇聯絡，唔知道。」

爭筍盤馬明

另外，同是鄧健泓前女友的李詩韻與龔嘉欣同場沒有半點尷尬，李詩韻更拿曾傳緋聞的馬國明開玩笑：「我啲Fans話馬明係筍盤，叫我哋拍拖，我同佢講如果五年後大家仲單身就結婚啦！」

而龔嘉欣接受訪問時亦加入「戰團」，笑言亦覺馬國明是筍盤，還大爆他剛拿了其手提電話號碼：「佢叫我同大家講，佢啱啱攞我電話，我哋識咗好耐。」