周家蔚長餵人奶唔急收身

剛為人母的周家蔚昨午12時許由老公洪天明陪同下出院，但未見囝囝TJ蹤影，天明解釋：「BB返屋企囉！」早前透露會餵人奶的家蔚說：「本身打算餵3個月，但依家想餵耐啲，所以唔急住收身減肥。」她又大爆已有好姊妹申請飲頭啖薑醋:「飲咗會快啲有BB。」心急追女的天明聞言即對她說：「咁你快啲飲多啲！」後日便要返內地拍戲的天明表示3月才能回港，故不會為TJ擺滿月酒：「可能擺百日宴，要睇番老婆同Daddy（洪金寶）決定，就算擺都係一家人簡單食飯。（圈中好友爭做BB契爺契媽？）有好多o架！邊個做就要睇佢哋誠意喇！」