祖兒新春留港拜會龍母

樂壇天后容祖兒與草蜢前晚於電視城為無綫《TVB新春黃金慶典》綵排辣身舞。祖兒表示新春取消外遊，改為留港陪家人，問是否與男友二人世界？她口窒窒說：「睇吓點啦！（去男友家拜年？）唔係……去朋友屋企拜年！佢好重視屋企，希望一齊拜年！（見未來奶奶？）唔好話未來唔未來啦！煩死！（咁刪咗『未來』兩個字？）黐線！禮貌拜個年啫！唔使加個名堂！（留港度歲好乖？）我係好女仔嚟o架！」更借新婚的鄭伊健過橋，笑言留港過年是為了逗伊健封利是。

至於與伊健分屬老友的草蜢亦送上祝福，提到送禮一環，蔡一智指伊健「乜都有」：「佢有名、有利、有樓、有女，女係指佢有老婆，好美滿！」而蘇志威則期待伊健盡快做爸爸。