G.E.M.學賣口乖息「甄」怨

鄧紫棋（G.E.M.）昨日出席情人節活動，她透露曾自製朱古力氹初戀男友，並笑言未試過下廚冧台灣緋聞男友林宥嘉：「未整過畀佢！（情人節一齊過？）冇得過，成個農曆新年得一日假，我要去拜年。」談及她與甄妮隔空開火後，有指早前兩人同場時互當透明，她說：「冇咁嘅事，我當晚只係離遠見到佢背影一秒。」她又指在微博公開道歉已是尊重：「唔係我做錯咩事要道歉，或者我應該學吓陳奕迅祝對方演唱會大賣！」她又指曾與對方的助手聯絡，可是沒有回音，問到會否覺得甄妮借她博宣傳？她說：「前輩係唔使靠我哋博宣傳！」

至於甄妮日前接受now台訪問時火氣十足，有年輕觀眾致電節目指她過時及不受網民歡迎，她說：「我啲Fans係唔會上網o架！」又鬧爆針對她的人「無知、無聊及白癡」！