杏兒講大話玩殘嘉欣

胡杏兒及鍾嘉欣等日前到首爾錄影無綫今年除夕春節晚會，她們都酷愛韓星，其中嘉欣因迷上主演韓劇《最後之舞》的池誠而被杏兒欺騙！

無綫今年除夕晚舉行香港、韓國、台灣及星馬等五地聯播之《TVB新春黃金慶典》，多位藝人包括林峯、鄭嘉穎、胡杏兒、鍾嘉欣、曾志偉、金剛、呂慧儀和張美妮兵分兩路，先後抵首爾和台灣錄影；而黃宗澤和馬國明則於稍後再到星馬拍攝。

熱愛韓星的嘉欣迷上主演《最後之舞》的池誠：「佢嘅作品我睇咗廿次，希望今晚佢出現！唔係就去搵佢！」杏兒卻以此戲弄嘉欣，指公司曾叫她到韓國為池誠拍MV，嘉欣獲悉後興奮到癲，事後才知被騙。杏兒笑言只忍心騙她大半小時：「佢信以為真！（你有追韓星？）我鍾意《秘密花園》個玄彬同埋Rain！」忙於拍內地劇的杏兒自爆有人追，問到是否想識韓國型男？她說：「都想o架！今次太趕，我本來約咗個同學喺度見面，咁啱佢出咗國，咪就係叫佢介紹囉！」

「賢妻」噏錯嘢

昨晨嘉欣和杏兒到首爾光化門與小朋友拍整年糕片段，氣溫低至零度，她們凍到騰騰震。嘉欣事前學了韓國敬語「Ha Se Yo」，又主動向小朋友提《江南Style》和組合Big Bang。廚藝麻麻的她希望做賢妻，但烏龍地將賢妻條件掉轉講成「出得廚房、入得廳堂」：「我可以整到四餸一湯，只係冇乜味，新一年要學煮嘢！（想做賢妻？）係o架！女仔識煮嘢男仔會鍾意！（你個Friend（伍允龍）鍾意？）你哋問佢啦！」昨晚杏兒、嘉欣、嘉穎及林峯換上靚衫繼續錄影晚會。而志偉則率金剛、慧儀、美妮和台灣藝人黑人在台灣拍賀年食品兼放天燈。