松岡李那生日孖林德信開P

日模松岡李那（Linah）與韓模蔡恩真昨日出席旅遊宣傳活動，剛巧27歲生日的Linah 被傳與林子祥兒子林德信（Alex）拍拖，她笑言兩人只是朋友，但承認前晚與Alex及朋友慶祝生日。問到會否成為戀人？她尷尬地說：「我唔知，仲後生想專注工作。（生日願望想Alex做男友？）唔係，我想開心。」談到有模特兒為錢與陌生人見面而被強姦，她驚訝地說：「點解要咁做！我唔會為錢陪人飲酒，亦冇人邀請過我。」

Linah離開活動後，即有Fans送蛋糕、心形牌及公仔，她其後往髮型屋扮靚，兩名Fans在門外等足3小時，再陪Linah返寓所，換衫後她在另一名Fans陪同下等的士，到北角與好友食晚飯慶生。