何超盈改名轉運

賭王何鴻燊與四太梁安琪大女何超盈含住金鎖匙出世，令不少人羨慕，但超盈宣布改名為何朗禎，意圖轉運，四太得知超盈改名後大惑不解，反問：「佢仲唔好運呀？」

何鴻燊四房子女的名字一向是跟族譜，男用「猷」字，女則用「超」字，超盈意圖轉運，突然改名，還高調在微博宣布。昨日下午約三時，她在微博表示聽朋友講改名會轉運，並留言「ID（身份證）不會改了，但朋友們請稱呼我是何朗禎，如果大家喜歡可以叫我朗朗，可以給我帶來好運的！」改了名的超盈，亦變得開心了，還指胃口變好。

記者致電超盈，她表示父親知情，問到為何要改名？她說：「唔係真係改名，字朗禎啫！可能微博解釋得唔清楚，我之前睇過師傅，話今年對我唔係咁好，改咗名好啲，我唔會改身份證，個『超』字跟族譜，唔會改，跟我一世，只係改呢個當花名，朋友叫我就叫呢個花名。（有朋友叫你做朗朗？）佢哋都係叫英文名多。（點解叫朗禎？）我都幾鍾意個朗字，幾開朗。」

「佢仲唔好運呀？」

另外，記者致電四太梁安琪，她表示對超盈改名完全不知情，當告知超盈想轉運才改名時，四太即大反應地說：「佢仲唔好運呀？佢冇可能會改名，我未聽過，係咪字乜乜。」改了名的超盈為免大家誤會她棄用「超」字，事隔兩個多小時後，再發微博，她寫道：「爸爸媽媽給我的名字不會變，何超盈為名，字（朗禎）像多個花名，超盈是永遠的。」