群o靚回應

趙碩之：一定唔係我！我喺澳門！其實陌生人約食飯同飲嘢真係幾危險，要識保護自己，避忌啲！（曾被問價？）有次有個神秘人問我有冇興趣食飯，我即時Say No啦！

何佩瑜（Jeana）：個女仔都25歲啦，唔應該咁唔成熟，呢個係大教訓，搞到最珍貴嗰樣嘢都冇埋，So Sad（很傷心）！

「爆E超蓮」鍾采羲（Iris）：識我嘅人就知我唔會做呢啲嘢！覺得個女仔無知、可憐，15萬出嚟飲嘢都知唔係咁簡單啦！（捲入事件覺無辜？）唔會，我唔係受害人！

鍾蕙芝（Lavina）：覺得個女仔蠢咗同幾傻，應該知道15萬約出嚟飲嘢，邊有咁簡單？其實個事主又唔係我，唔需要澄清咁多，總之我冇做過！

Hidy（余曉彤）：個女仔係慘，但做呢行都知有呢啲事發生，唔係咁純情以為15萬飲一杯嘢咁簡單呀？我一定唔會中招囉！

Rainbow：我21歲咋！25歲嘅智商唔應該係咁。我都收過類似嘅E-mail（問價），通常係開價然後叫我去食飯，每次我都唔會回覆。

Rika（王麗嘉）：（身在加拿大）呢度啲人比較簡單，唔會呃人。唉！希望個女仔盡快走出傷痛啦！

Hailey C.（陳俞希）：梗唔係我啦，其實唔貪心就唔會發生呢啲事！

A. Lin（裴殷）：我唔會為錢同唔識嘅人食飯，呢個世界好多壞人，要諗清楚！