馮允謙直男宣言 羅力威聞雨僑口震

英皇歌手羅力威及馮允謙出席祝捷會，由於兩位「巨聲幫」歌手許廷鏗及胡鴻鈞分別傳「斷背」，同是「巨聲幫」的馮允謙為免被誤會，全程講了4次「我係鍾意女仔」闢謠。

羅力威與馮允謙去年以新人身份橫掃上年度的各大頒獎禮，唱片公司昨日特別舉行《英皇唱作雙子祝捷會》，在酒店筵開六席自助餐，各大電台機構高層畀面到賀，但未見無綫派員出席，高層吳雨及霍汶希各自上台勉勵兩人，吳雨搞爛Gag說：「一個威、一個謙，威完要謙呀！」引得全場捧腹大笑。

尷尬合唱情歌

羅力威與馮允謙即場騷Quali以結他、鋼琴Jam歌，兩個大男孩合唱Hit爆歌《雙子情歌》，由於歌詞有「我愛你、我憎你」，令羅力威尷尬傻笑。未知馮允謙是否怕被誤會是「同志」，加上同屬「巨聲幫」的許廷鏗及胡鴻鈞分別傳斷背，馮允謙四度說：「我係鍾意女仔！」

曾被指「二打六」的羅力威坦言為公司吐氣揚眉，問到女友雨僑有否攬錫祝賀？羅力威有口難言兼口震震說：「唔講！」隨即向身邊工作人員求救。問到兩人有否買東西獎勵自己？馮允謙說：「我用咗五千蚊買咗部電子琴！」羅力威則說：「之前媽咪生日我唔喺香港，所以諗住封五位數大利是畀佢！」