婚紗露背拖尾 Noel Chu爆新娘減肥

蒙嘉慧找來本地著名時裝設計師Noel Chu設計婚紗,Noel接受電話訪問時,起初以尊重一對新人拒絕回答,惟在記者追問下亦不禁說:「整個設計過程,佢(指YoYo)都有份參與,佢好緊張又要求高,不停畀意見,呢段期間佢不斷減肥,試問邊個女仔嫌自己瘦,佢都係想着婚紗靚啲!」Noel稱二人不想太高調,故她一直守口如瓶,低調處理,問到婚紗款式?她說:「好簡單,有少少拖尾,係吊帶同露背款,而佢鍾意有型,有側袋設計。(友情價?)係心照價!」

Noel Chu為好友YoYo設計婚紗,款式簡約有型。