舊愛黎芷珊：YoYo好幸運

鄭伊健和蒙嘉慧（YoYo）拉埋天窗，一眾老友及Fans當然心情雀躍，伊健舊愛亦大方祝賀，廿多年前曾與伊健拍拖的主持黎芷珊祝他們「百年好合、年生貴子」，問到得悉喜訊後會否覺得意外？她說：「唔會！佢都話咗今年結，之前又去咗日本幾次『視察場地』。（有咩恭賀說話？）婚後都要好好珍惜對方，唔好老奉咁，不過佢哋會o架喇！最想係伊健改變主意生仔，始終不同階段要不同嘅刺激。（會送咩？）等佢哋返嚟先，我要好好諗吓！」她又笑言YoYo能收服浪子伊健「好犀利」：「其實係咁啱呢個Timing佢哋相識，依家嘅伊健成熟咗好多，好顧身邊人感受，相信會係個好老公，YoYo好幸運！」此外，伊健另一舊愛邵美琪亦大方祝賀：「祝福他們幸福快樂！」