徐濠縈與好友黃偉文昨日一同出席活動，她表示曾有人與她洽談出書細節卻被她拒絕：「自己寫字文筆唔係太好，無謂獻醜啦！又唔想請槍，盡量寫得幾多得幾多啦，等我儲多啲相先，但暫時都未有呢個計劃，亦唔排除遲啲會有呢個機會。」
對於開業兩星期的時裝店被指「靜英英」，她即否認：「唔係事實嘅嘢唔回應喇！下個禮拜我都搞開張。（翻到本未？）都開第三間喇喎，翻唔到本點開第三間？第三間應該冇問題嘅，都投資咗7位數字。」
徐濠縈與黃偉文私交甚篤，連出席活動都行孖咇，Friend過打Band！
