霆鋒請食飯 祝「TJ」出世

洪天明與周家蔚正式榮升父母，身邊好友紛紛恭賀。影星伍允龍昨日在微博上載一張當時仍是大肚的周家蔚與洪天明等大班好友的飯局照，當中更有謝霆鋒坐鎮，天明其後踢爆由霆鋒請食飯，似是為預祝家蔚昨日剖腹分娩而相約飯聚。其他好友如湯盈盈及佘詩曼亦接到兩人的好消息，提到天明最終沒有入產房剪臍帶，問到盈盈的老公錢嘉樂會否計劃幫BB剪臍帶時，她笑說：「唔知呢！都未問佢，產房都未知入唔入！（咁你想唔想？）都想o架！」至於天明指TJ「大支嘢」，問到會否「睇中」對親家，盈盈笑言要睇過先知：「等我親眼睇吓先，我唔信洪天明囉！」佘詩曼則表示看過BB照片：「見到BB兩條眼線都好長，應該眼睛都好大，家蔚都話BB似老爺。」