古天樂賭枱派錢

與朱茵一同出席活動的古天樂，透露新年會留港，除了派利是外，還會在賭枱上派錢，他揚言說：「贏錢冇得攞，輸會畀雙倍，志在大家開心啫！」而同場的袁詠儀（靚靚）與老公張智霖完成歐洲之旅，昨日她甫落機便獨自赴澳門出席活動，她稱此行沒有帶兒子「魔童」同行，希望等兒子長大一點才一家三口出埠！她說：「帶佢去盞自己辛苦，費事去博物館佢問我蒙娜麗莎係邊個？我都唔知點答佢。（今次二人世界？）仲有公司同事，我有同老公講話兩個人撐枱腳，不過佢話冇乜嘢同我講，都係一大班人食好啲！（趁機造人？）風水師話我今年命格唔適宜造人，所以機會不大。」她透露農曆新年或會帶兒子到澳門遊玩。