黃日華傍住湯怡開竅唔再鵪鶉

英皇小花湯怡（Kathy）近日參演王維基旗下電視劇《開腦儆探》，與黃日華和李璨琛合作，她大讚兩位前輩勁Nice，釋除她多年來的「前輩恐懼症」：「我個人比較慢熱，又怕講嘢得罪人，尤其對住前輩會膽怯！但佢哋見我粒聲唔出，反而主動打開話題，依家大家好熟，我都開朗咗唔少！」

Kathy坦言以往思想較負面，更會不自覺地流淚，多得好友鍾舒漫（Sherman）主動做她的心理醫生，趕走負能量，Kathy說：「我有咩唔開心都會搵佢傾，因為佢諗法好正面，依家我正能量都多咗！」她透露有機會在下一部劇飾演打女，問到會否向師兄謝霆鋒請教？她說：「我以前見到霆鋒會好驚，佢成日好Cool唔講嘢，但經理人話霆鋒最鍾意講功夫，下次我一定會喺呢方面打開話題。」