蔣家旻磨練視后之路

以選美入行上位一向較快，不過蔣家旻無悔參加藝員訓練班，更憑神劇《天與地》的「少女版阿Yan」一角跑出！堅持走實力派路線的她，以同是訓練班出身的視后楊怡和馬國明為目標！

蔣家旻（Angel）去年憑神劇《天與地》中「少女版阿Yan」一角而為人認識，憑此得到不少工作機會！近日《天》劇於凌晨時段重播，「少女佘詩曼」恍如Angel的永久綽號，她對此感到慶幸：「《天與地》好似變成一部代表作，加上我自己好鍾意阿佘，好榮幸！」

雖然不少人都說選美是在娛樂圈極速上位的不二法門，不過Angel卻無悔走另一條路—參加藝員訓練班：「華姐、港姐嘅價值一定高少少，不過楊怡、馬國明都係訓練班出嚟啦，我想以佢哋為目標！只要肯努力，始終都會有監製想用你！我鍾意慢慢磨練，想用自己嘅演技吸納觀眾！」她自嘲沒有選美的條件，最怕着泳衣：「我身形唔夠高，學歷又唔高，所以覺得自己冇資格選美！我又唔鍾意着三點式喺咁多人面前行嚟行嚟去，自問我身材冇人哋咁好，避得就避！」

公開未婚夫身份

Angel入行至今都鮮有緋聞，只傳過與羅天宇撻着，仍屬單身一族的她表示，將來拍拖也未必公開戀情：「如果我拍拖後同對方關係好穩定，又或者覺得佢係結婚對象，我先會公開！其實做藝人幾大壓力，我唔想公開戀情後會被人熱烈討論，所以對感情事會低調處理。」