藝人雨僑早前拍攝不少品牌的廣告，全都是以靚女形象示人。最近她接拍一部內地投資電影，全片在中山開拍，在天氣最凍、氣溫只有幾度那幾天，雨僑要穿小背心在山區拍外景，凍到她震騰騰！她飾演的角色複雜、難演：「我嘅角色係個人見人驚嘅癲婆，終日胡思亂想，成日有幻覺，藥不離身，唔食藥情緒就失控，會攞刀拮人，個角色其實好複雜，拍呢部戲之前，我知難演，已經去學戲打好基礎，結果功力唔夠，抽離唔到個癲婆角色，晚晚打電話返香港對住阿媽喊，搞到佢好擔心！」
雨僑在寒冷山區穿小背心拍攝，凍到面青！
雨僑在戲中手持利刀兼被叉頸，勁有驚慄Feel！
