「冬甩女」趙詠瑤追尋老闆夢

o靚模組合冬甩的新成員趙詠瑤21歲生日大個女，半工讀的她希望事業升呢，亦滿肚密圈計劃做女強人，兩年後開樓上舖推出個人品牌！而早前她與大批Fans開P慶祝，氹得她非常感動！

走可愛路線的冬甩新女趙詠瑤（Vivian）日前21歲生日，她希望來年工作量及知名度飆升，除繼續兼顧模特兒工作，亦想做主持及進軍樂壇一展歌喉，並希望推出寫真，現於理工大學修讀時裝設計的Vivian雖然半工讀十分忙碌，但已滿腹大計，計劃投資六位數開樓上舖，希望兩年後可成事：「我對設計好有興趣，無論服裝、飾物都係，希望開舖出個人品牌，所以呢兩年要努力搵銀，亦要累積經驗同人脈。」

Cosplay貓女冧粉絲

Vivian早前與多位Model朋友及Fans開生日會，眾人狂食Pizza、壽司及蛋糕，玩個不亦樂乎，首次開大型生日會的她狂收禮物及跟大批Fans齊唱生日歌，令她驚喜又感動：「因為時間關係，都驚冇咩人嚟，結果有成40人出席！我收咗好多Hello Kitty禮物同祝福說話，好開心！」而她最喜歡模特兒好友Elise（陶嘉瑩）送的攬枕，最近每日也攬住睡覺呢！

當日愛貓的Vivian戴上貓耳開P，更應Fans要求扮貓影相，表現親民，其實Vivian與Fans的關係向來甚好，Fans既會出席她的活動撐場，又在其Facebook噓寒問暖，Vivian亦會逐一回覆，難怪深得Fans支持。