藝員黃浩然、麥長青、黃翠如及許亦妮等主演的劇集《師父．明白了》日前煞科，監製請台前幕後到長沙灣吃煞科飯。女主角黃翠如與麥包在《師》劇第二度合作後成為老友，她自爆在劇中原本有不少動作戲，但因打得太「水皮」，動作戲被刪減，麥包笑說：「佢打招呼就得！」不過翠如勝在喊得！她說：「套劇好多喊戲，有晚要喊足七、八個鐘！最初同事都覺得佢喊得好淒涼，後來都睇到冇晒反應。」
麥長青（左起）、黃翠如及黃浩然因拍劇而成為老友。
