車車末日被亞視開刀

去年傳說中的「末日」沒有出現，但對藝人車車（張紫櫻）而言，當天真的很難耐，因為她收到亞視大信封後，當晚還要強忍被炒的悲傷，替母親賀壽。

對於車車而言，如果在亞視打工也分四季的話，去年冬至之前，都是春天。傳說的末日加上收亞視大信封，當晚還要強忍被炒悲傷，替母親賀壽，車車一天之中經歷了心情的四季。

她回顧近兩年的亞視生涯，最終要戲劇性地在去年冬至畫上休止符，她說：「真係好難忘，舊年被炒嗰日，除咗係冬至、傳說嘅世界末日外，仲係我一家人約好夜晚同媽咪慶祝生日，點知我就被炒，始終冇咗份工，心情點都受影響，原本諗住同媽咪慶生嘅心情，一下子Down晒，嗰晚餐飯最終變咗係成家人安慰我失業，仲要媽咪掉番轉頭鼓勵我，真係過意唔去！」

幸有新公司賞識

車車續說：「好彩冇幾耐RoadShow簽咗我，佢哋好尊重我。（RoadShow主動簽你？）係，呢次係好好嘅Timing，成件事好奇妙，做呢行要勤力，但都好講際遇，我以前遇過低潮，經歷過徬徨日子，依家好開心可以Keep住同唔同媒體合作。新公司都好開明，鼓勵我同其他公司合作，包括新電視台。（會考慮再同亞視合作？）咁長遠嘅事，到真係發生先算！總之我尊重新公司嘅決定。」