黃建東獲嘉欣「給力」演技冇丟架

「前港男」黃建東（Derek）早前獲無綫安排演出劇集，成功跳出娛樂主播框框的他說：「唔知係咪因為之前做主播畀人好似幾口齒伶俐嘅感覺，公司派咗我去演新劇《巨輪》，扮演律師行『師爺』，有段對白長三頁紙！當中勁多好複雜嘅法律詞彙，但呢啲專業術語唔錯得，所以我一收到劇本即刻背熟晒！」他本身擔心自己太緊張或表現不好，連累同場嘅鍾嘉欣同蕭正楠，幸好兩位非常好人，還叫他不用緊張，令他很快進入狀態，Derek說：「話晒我都喺美國讀過戲劇，總算最後都冇丟娛樂新聞台嘅架！唔知係咪呢次表現OK，後來又有份參與新劇《傳愛事務所》，仲可以同戲劇大師King Sir（鍾景輝）同場，令我獲益良多！希望公司派多啲唔同角色畀我，最好係醜角，咁我就最開心！」