馮淬帆激讚Bosco前途無限

資深演員馮淬帆（緊哥）再度參演邵氏賀歲片，今年在《2013我愛HK恭囍發財》中飾演70年代酒樓老闆，與主角黃宗澤（Bosco）及謝天華等夥計不乏對手戲，他大讚劇本着墨社會變遷及人情味，望觀眾受落。提到去年與邵音音的親熱戲成賣點，他表示今年沒有「再續前緣」：「今年冇咁爆喇！我冇所謂嘅，睇劇情！呢次主要多群戲，每場戲都十幾個演員，又多茶客，幾難搞o架！」他笑言不認識大部分後生演員，只與Bosco較稔熟：「都第三年合作。（點睇佢？）好！唔使我講啦！我話佢有前途已經遲咗！」提到梁家輝早前表示與邵氏合作收不足片酬，緊哥說：「咁大間公司點會咁離譜，一定係有誤會！」