岑麗香食飽過「肥」年

岑麗香承認過去一年工作順利，過了個豬籠入水的肥年，但問到會否派利是時即縮沙，自稱「未夠班」，認真為荷包着想！

岑麗香（香香）昨日出席活動時透露，將留港度農曆新年，她笑言很少機會吃到賀年食品，因此去年胖了五磅，今年可能到朋友家中拜年，怕會不斷食賀年食品而與去年一樣失控。最近香香頻頻出席活動，問到是否過了一個肥年時？她說：「都滿足，自己可以得到唔同經驗，又可以試唔同角色，好開心！（想拎獎？）我未到，要畀多啲時間磨練先。（咁幾時派利是？）我未夠班！」提到無綫劇集《老表，你好嘢！》收到很多投訴，有份參演的她表示沒有留意：「我自己忙住拍劇同背劇本，冇留意有冇投訴，但希望大家唔好Take It So Serious（太認真），我哋拍嘢都係希望娛樂到人。」

而提到將開拍的古裝劇《為食奴》女主角仍然懸空，問到是否有興趣參演？她表示留待公司安排：「我會好緊張，畀我揀嘅話，時裝劇會舒服啲，但如果有機會拍古裝，都會好努力。」

王菀之演戲「大牌」

另外，歌星王菀之憑歌曲《留白》奪得《勁歌金曲》金曲金獎，她主演的劇集《老表，你好嘢﹗》熱播，對於傳出拍劇換獎，她前晚為《勁歌金曲》錄影時自爆：「其實監製黃偉聲本來唔想用我呀！多得王祖藍再三推薦，監製同編劇先去欣賞我嘅舞台劇，後來先用我。」問到可有興趣再拍劇報答無綫？她笑說：「冇興趣拍劇，我依然都係專業歌手，演戲就可以大牌啲，揀對手、揀劇本。」她又希望《老》劇有50點收視，挑戰《大長今》的紀錄，更表示若有50點會「任人魚肉」，以報答觀眾。對於關心妍宣布不再出席頒獎禮，她說：「佢係幸福女人，可能佢想做全職媽媽，決定得一定諗得好清楚。」