吳若希恨披嫁衣幻想張智霖做新郎

歌手吳若希（Jinny）早前在微博公開「婚訊」，上載「新娘照」並留言：「我結婚啦！」旋即引起粉絲極大回響。Jinny解釋當日是為好友葉念琛客串一場新娘戲，觸動其恨嫁的心：「拍戲真係好有結婚感覺o架！差在冇新郎哥囉！最想搵偶像Chilam（張智霖）做新郎，但偶像只可以遠觀，不可近距離接觸。」至於現實中可有計劃結婚？她甜絲絲說：「細個想有個夢幻式嘅婚禮，但入咗行就想一切從簡，另一半係圈外人，唔想影響到佢咁多。」Jinny坦言男友已見過家長，公司沒有太大的反對，兩人關係漸入佳境！

提到拍攝過程，Jinny透露輕鬆地獻出了第一次：「我第一次唔化妝，着紅色睡衣，踢住拖開工，同埋嗰日我哋早咗到片場，見到有副道具麻雀，就同Super Girls一齊打牌，不過大家都係打牌白癡，仲要畀導演話我哋太嘈！」