陳國邦續約無「望」老婆羅敏莊抱不平

陳國邦與老婆羅敏莊（MiMi）前晚錄影無綫節目，於八月中約滿無綫的MiMi表示因無綫太多人，故應不會續約，問是否過檔王維基的公司時，她說：「佢嗰邊都好多人！（亞視少人喎！）都想去上吓堂。」提到老公國邦，她語帶不滿地說：「佢年尾約滿，但公司未搵佢傾，除非驚佢走先會早啲搵佢傾，不過都唔覺公司重用佢。」國邦表示如無意外會續約無綫，卻對續約條件沒有期望：「都想做到黎耀祥佢哋咁，但我等咗20年先等到彭三順呢個角色，下一個好角色唔知會唔會廿年後先出現！」他坦言王維基找過他，問到會否考慮到內地發展，他說：「以前冇諗過，但生咗個女之後，老婆有呢個諗法，我就緊守崗位！」