周秀娜誘唐僧懶睬Avis

自飛甩男友陳偉成（Avis）後，周秀娜重投工作，其新一輯的內地個人形象宣傳照曝光，一身白骨精造型兼露出三吋事業線的娜姐，性感爆燈！

周秀娜回復單身後投入工作，其新一輯的內地宣傳照正式曝光，娜姐以性感白骨精造型上陣，實行以行動證明自己忘情棄愛。其40吋長腿成為焦點，與招牌事業線互相輝映，加上一身白色打扮配以烈燄紅唇，難怪娜姐得戚地說：「問唐三藏點忍？其實依家仲等緊我心目中嘅唐三藏，我唔會食咗佢，只係想同佢取西經啫，希望孫悟空唔會介意！」

問到是否已從失戀中復原及寄情工作，娜姐說：「我不嬲都投入工作，雖然個造型係白骨精，但我都算係最肥嘅白骨精，大家唔好再話我暴瘦喇！」對於Avis爆出與Mia（陳靜儀）的疑似床照，娜姐似乎對Avis已完全死心，沒好氣地說：「件事都過去，佢點都好啦，問番當事人啦，唔關我事！」

Avis「驚」到失眠

而Avis昨日接受本報電話訪問時被問到又有床照流出，他驚青地說：「唔回應喇！唔關我同周小姐嘅嘢就唔想再講，希望回復心情先算！」他坦言現在的心情既低落又失落，以致多晚失眠：「希望大家畀啲空間我，等我搞好同周小姐啲嘢先！」問到言下之意是否仍與娜姐有關係？他說：「唔係，只係講恢復心情嗰啲！」然後便匆匆掛線！此外，Mia昨晚於微博表示最討厭的是那些滋事網民。