林峯怕暈倒「告別騷」

四踏紅館舞台的林峯將於今個星期開騷，曾揚言個唱後會暫別舞台的他，誓要給歌迷展現最後的「峯」采！最近，他出盡全力，密密綵排，更變身「化骨龍」狂食，以免體力不繼而暈倒台上！

林峯將於本周第四度在紅館開騷，舉行一連三場的《A Time 4 You林峯演唱會》。曾宣布騷後會暫時「收山」的他最近積極操弗，務求以最佳狀態大顯「峯騷」，令粉絲可以在「告別騷」盡興而歸！他前晚為個唱進行綵排，內地女星黃聖依剛好在附近錄音，便前來探班，兩人見面後即密密「吹水」，狀甚老友！

呻綵排辛苦難頂

林峯表示會在個唱展示苦練的舞技，但指地獄式的綵排令他吃不消，所以要變做「化骨龍」喪食：「今次演唱會有好多舞要排，排完舞之後夜晚仲要Band Rehearsal，覺得個人好似冇乜力，要一邊食一邊排。（擔心食太多變肥？）唔食嘢我驚會喺台上暈低！」

他透露首場嘉賓是在勁歌「接任」其「亞太區最受歡迎男歌星」獎的台灣組合LOLLIPOP F，問到是否對方幫他「頂」獎，所以請他們做嘉賓？他說：「我同阿緯一直有保持聯絡，半年前我已經有同公司提議過，我好多跳舞環節，佢哋跳得，應該會有火花。」有否邀請緋聞女友吳千語睇騷？他說：「我邊個都有請，所有行內識嘅人都有請。」