江若琳主動出擊求愛

近年於內地密密掘金的江若琳，原來由22歲起一直被長輩催婚。專注事業的她堅拒家人介紹男士，昨日揚言若遇上心儀對象，會主動出擊向對方示愛！

藝人江若琳昨日出席《「皇帝的盛宴」朱古力藝術展@海港城．美術館》活動，除了嘗試製作朱古力藝術品外，身穿入肩連身裙的她，更即席獲奧地利朱古力大師Gerhard Petzl於香肩畫朱古力人體彩繪，令她高呼：「好浪漫！」

多棲發展的江若琳表示，即將離港數月，於深圳拍時裝偶像劇，她表示已特地向劇組請假，於農曆新年期間返家鄉廈門探親，她笑說已準備了四至五位數的大利是給長輩。問到會否擔心被催婚？她坦言：「慣o架啦！我呢個年紀喺內地已經超晒齡，婆婆成日都話『有仔趁嫩生』，我就成日扯開話題。（幾歲開始催婚？）22歲，已經催咗好多年。」

唔愛靚仔愛才華

問到如果家人悉心介紹男士，江若琳即揚言「會逃跑」，她說：「呢啲要自己揀。（擇偶條件？）唔使好靚仔，鍾意才華型。（外國人都得？）唔介意對方係外國人，仲可以順便學埋英文添！」她坦言若遇上心儀對象，不介意主動向對方示好，並笑說：「我會用講笑嘅形式同佢講『我鍾意你』，如果佢拒絕嘅話，我就會話『講笑咋！』」