被古仔推跌「後遺」青雲：我係張家輝

古天樂前日於中環拍新片《掃毒》（前名《變戰》），他駕名車等候「爆肌」的林國斌上車，然後絕塵而去。劇組為免影響交通，拍了不足三分鐘便快閃。而早前與劉青雲拍對手戲時，古仔不慎將他推跌頭部着地，電影昨日舉行開鏡儀式，古仔猶有餘悸地說：「我當時好驚，叫佢入院照，點知佢話：『我仲記得自己係張家輝。』」身旁的青雲笑說：「當時張家輝不停睇我頭頂報告情況，好煩！（腦震盪？）冇事。」

家輝則透露於片中「很早死」，仍收足片酬，笑言是積很久陰德才有此機會，對於被指催谷女兒成才，他說：「唔知，返屋企見啲補習老師就諗咁正嘅？老婆話依家啲老師好年輕，搞到我都想補。（補乜？）補腦、肝同腎。」古仔偷笑說：「腎都補？你喺出面補呀？」同場的內地女星袁泉則讚導演陳木勝最帥。