志偉：羅志祥不至於唔識

有份出席餐館開幕儀式的曾志偉，昨日率領徐子珊及謝天華等賀歲片《2013我愛HK 恭囍發財》演員，為無綫節目《Big Boys Club》錄影。提到好友譚詠麟（阿倫）替羅志祥（小豬）與黃秋生做「和事老」，秋生寸阿倫「冇事搞事」，志偉說：「阿倫喺嗰個場合講，秋生以為佢企嗰邊，做和事老要中立去講。（識小豬？）OK，但唔熟。（羅志祥喎！）不至於咁慘唔識，小事無謂愈講愈深。」有指四大唱片獲無綫解封，並由無綫老闆陳國強親自談判，他說：「知佢出咗好多力，好直接去關心呢件事，大家有食飯傾，佢都攞出誠意代TVB盡快和解。我做《勁歌》都覺得可惜，望番個台好少人。」他又透露已想好劇本待葉玉卿回港拍劇，梁家輝則於今年或重回無綫。