「三個乳頭」推搪剝衫

雖然是非不斷，但無損小豬心情，全晚High爆落力演出，除了「豬媽」繼續捧場外，剛甩拖的周秀娜就Dry爆獨自捧場，o靚模陳靜（DaDa）亦有到場。小豬與譚校長一同唱《愛情陷阱》，不過自稱學唱這首歌八年的小豬幾乎全程只懂唱「愛慕」和「這陷阱」，更將「這陷阱」無限Loop，他說：「我只係識唱呢句，呢句係我表演嘅地方！」

他又賣口乖指見到校長好興奮，但校長未有因此而收斂「寸嘴」本色，更說：「我睇到報道話你演唱會係咁講『我是誰』，我仲以為係成龍套戲！」當歌迷大叫「剝衫」時，小豬就講笑：「我唔可以剝o架，因為我有三個乳頭！」