張敬軒埋英皇堆搵人仔

張敬軒、鄭融、連詩雅及徐濠縈等昨日出席前歌手Oscar食店開張活動，軒仔直認將離開環球，問到是否加盟英皇？他默認說：「遲啲講，有一定可能。（英皇可以幫你開拓內地市場？）相信有呢個能力。」對於關心妍（Jade）因不滿於頒獎禮坐冷板櫈而宣布「唔玩」，他說：「今年冇獎，明年努力過。」而與Jade同一公司的鄭融表示：「頒獎禮過後又一日。（公司資源落喺你手上？）繼續努力工作。」另外，楊千嬅昨日錄影nowTV觀星台《Hello Au PaMa》節目時則說：「作為媽咪梗係想佢愈早生愈好，作為歌手幾時想唱都可以。」