陳嘉容情迷喱士剛柔並重

名模陳嘉容對喱士情有獨鍾，家中收藏了逾百件喱士服飾，她說：「其實好多時裝設計師都鍾意用喱士呢個元素，自己一直都好鍾意，呢兩、三年更加係瘋狂咁愛上！因為好女性化，好有女人味、好溫柔，而且夠Classic。喱士同珍珠係絕配，好容易就可以配襯出Elegant（優雅）嘅效果。不過，喱士襯牛仔褲或者皮褲，都可以營造出型格感覺，剛柔並重。」

她強調穿喱士衣飾不可「去得太盡」：「記住千祈唔好由頭到腳都係喱士，咁樣就會變咗Lolita，成身最多只可以有兩樣嘢係有喱士，包括埋配飾。多數嘅喱士都係黑、白色同米色，其他顏色比較少同難買到，如果我見到靚嘅必買！我最貴買過嘅喱士嘢係一件價值五位數字嘅喱士斗篷式Jacket。」