松岡恨被「跆」舉做打女

性感日模松岡李那恨做打女恨到出面，更秘密「練功」學跆拳道，「拳拳到肉」的她更獲師傅大讚好身手，隨時打出個未來！

身材索爆的松岡李那（Linah），還以為她學跆拳道是為防狼，保護其誘人的「蜜桃胸」，非也！其實她是為拍武打片做打女作準備！一提到拍武打片，她立刻雙眼發光，並說：「我一直都好想做打女o架！為咗可以裝備好自己，我就去學跆拳道，我師傅仲有教我其他武術，好似中國功夫、空手道同Boxing，所以當有機會拍打戲時，我就可以直接拍，唔使人哋再等我練。」

不過，除了為做打女外，Linah亦希望藉跆拳道練出一身完美線條，她說：「每次見到美國Victoria's Secret入面嘅內衣Model個個身材都好Firm好索，佢哋啲線條同身形仲咁Perfect，搞到我都想練完跆拳道之後，身形可以好似佢哋咁，仲可以順便減埋肥。」

瑜伽都啱玩

Linah性格好動熱情，雖然只學了三個月跆拳道，不過已「中晒毒」，她希望由一星期兩堂改為日日上堂：「跆拳道真係超好玩！雖然班入面淨係得我一個女仔，同埋得我一個係白帶，不過師傅同師兄都對我超好！佢哋個個都當我小朋友咁照顧，師傅仲讚我好快上手！不過每次上完堂都會覺得周身骨痛，到啲筋唔痛又再上堂，上完堂又痛過，所以如果日日上堂，咁就唔使再痛啦！」而筋骨柔軟的她更自爆瑜伽是另一至愛，說罷即擺出多個高難度動作，拗腰又擘腿，大騷軟骨功。

朝鮮國技修心養性

朝鮮族的國技跆拳道，「跆」指踢擊的腳法，「拳」指拳擊，「道」則指練武者對武術的心靈修養及修正。雖然跆拳道以格鬥為基礎，不過其宗旨是修心養性，訓練武者的禮儀及道德。跆拳道的裝備包括護具及道袍等裝束，而道袍中的腰帶用作識別運動員之等級，通常白帶的為初學者，升至深造等級則是黑帶。用具方面，運動員訓練時需要使用踢靶，例如防禦靶和速度靶等。