李丞責婚事親力親為
將於下月初結婚的玄學家李丞責昨日出席商場活動，獲經理人黃柏高及陳奐仁撐場，問到是否為婚禮忙到頭暈，他說：「其實忙咗好耐o架啦！好彩有好好嘅團隊幫手，當然始終自己都係當事人，要自己決定同用心去搞。我喺度畀啲意見就快結婚嘅人，千祈唔好以為有Wedding Planner就自己唔使搞！」問到是否已於上月28日入紙註冊，他驚訝地說：「咁你都知？呢啲已經畀咗律師去搞。」
至於陳奐仁則透露將到內地拍戲，並首度擔正做男主角，故要惡補上海話：「我同導演冇見過面，佢又冇聽過我嘅音樂，都唔知點解會搵我！」
