羅力威寸亞視嘥時間

亞視近日破天荒向「宿敵」無綫借將，為「洗腦班」擔任導師。亞視出身的英皇歌手羅力威，昨日自嘲未夠班做「羅Sir」教唱歌，更趁機暗寸舊東主嘥藝人時間，今次認真「走得快、好世界」！

亞視繼月前開設洗腦式「藝訓班」成為一時佳話後，近日更與多年「宿敵」無綫聯手合作，對家先後派出薛家燕及翟威廉出征亞視，分別擔任導師及亞姐評判。亞視《亞洲星光大道》冠軍出身的羅力威，昨日在環保活動上表示未收到亞視邀請做導師，他自嘲：「我何得何能呀？唔得嘅，加上我有其他合約在身。（會應邀做歌唱老師？）我都唔會去上堂，何況去教！」

亢帥克唔妒忌

他又暗踩舊東主浪費藝人時間：「演藝人士對觀眾表演需要休息，時間唔係用喺課室度。」並自爆有在微博留意舊同事的近況：「最緊要活得開心。」談及環保，他幽默地表示為節約能源而少沖涼：「我會將舊衣物送畀朋友，同埋唔會特別沖太多涼。」

至於在《亞洲星光大道》敗於羅力威手上的亢帥克，昨日在另一活動上被問有否「眼紅」對方成績較好，他說：「唔會，我都戥佢開心，拎到咁多獎，我哋細公司慢慢嚟！」並寄望公司的「藝訓班」能教授說話技巧。

此外，與羅力威同場的鍾一憲，自爆前晚化身多啦A夢撩陌生男士開P，他說：「我同成班朋友扮卡通人物Book咗酒店房開Party，之後仲叫埋個男職員放工一齊玩。」當被對方識穿是歌手時，他竟訛稱是熊熊兒童合唱團成員：「我講笑話鍾一憲真人邊有咁高呀！」