Bobby直指荷姐大牌

有報道指關詠荷不滿歐陽震華（Bobby）經常NG，累她未能準時返家湊女，以致二人不和！昨日二人偕苟芸慧等拍攝新劇《情逆三世緣》，Bobby強調與荷姐情同手足：「黐線！不知所謂！話我哋冇交流，係因為嗰日我根本冇對白。（NG阻住荷姐收工？）唔係，佢個女咁大、咁精靈，邊使人湊？而且仲有個阿姨睇住。（荷姐話你少頭髮但Set頭耐過佢？）我古裝頭喎！點會少頭髮？呢啲咪無中生有囉！（荷姐耍大牌？）劇組有日放食飯，荷姐拉大隊去西貢食，食咗佢成萬蚊，佢點會耍大牌？而且佢唔需要耍大牌，佢根本就係大牌！（荷姐一集5萬蚊？）咁平？5萬點請得起佢，起碼50萬一集！」