羅苡之 日食六餐抗嚴「韓」

羅苡之（Tisha）與老公陳志健（Otto）早前到韓國旅行，當地氣溫嚴寒，最高只有零度，最低更達零下20度，冷得兩人騰騰震，她笑言以後也不敢在冬天去韓國！Tisha表示曾兩度遊韓國，故今次以純美食為主：「我哋去咗五日，每日食足六餐，因為天氣太凍，所以唔想喺條街度行，經常入去室內食嘢取暖，食到Otto都叫我唔好再食咁多。」為食之旅又點少得海鮮，他倆到漁巿場品嘗又新鮮又便宜的海鮮，還有狂擦街頭的炒年糕與韓式燒烤等，大飽口福！不過，最神奇的是Otto竟跟當地居酒屋的店主成為朋友，Tisha說：「Otto好鍾意同人傾偈，佢去食店係食人情味，仲同老闆傾得好開心，大家交換咗聯絡方式！見佢哋傾偈好好笑，因為佢哋兩個嘅英文都唔好，大部分係靠身體語言溝通，但都可以做到朋友，好神奇。」