周麗淇高燒打六針

前晚周麗淇（Niki）由醫院趕到灣仔會展出席時裝活動，因高燒不退而打了六支針，活動後更要回醫院留一晚，專業精神可嘉。

周麗淇（Niki）、Rosemary、楊舒婷和陳詩雅等前晚出席由香港貿易發展局主辦的《香港國際時尚薈萃》I.T時裝活動，姍姍來遲的Niki原來從醫院趕來，並由兩位助手全程傍住。全黑裝束的Niki難掩倦容，面紅紅兼聲音沙啞，更差點說不出話，她直言不想失場，擔心品牌臨時找不到嘉賓，所以病都要到，非常專業。

細菌感染

事緣Niki日前高燒不退，起初以為流感，其後入院檢查，發現原來是細菌感染，醫生更要她留院一晚觀察。她笑言自己平時好少病：「入醫院吊吓鹽水，咪當調理身子，因為發燒唔退，打咗六支針，搞到好似整車維修咁。」她有問醫生可否出院，醫生怕其病情惡化，但她都堅持出院到場：「醫生話要留院一晚，其實都係驚喺屋企冇人照顧，所以我做完活動就要返醫院，冇乜事第二日就出得院。」問到是否在姊姊（周汶錡）的婚禮玩得太癲？她笑言可能當日着得太少布而冷病。