尚格雲頓睇女着重美德

荷里活打星尚格雲頓擔任今屆亞姐評判，昨日即席選出4位心水佳麗，他透露曾與亞洲女性拍拖，欣賞她們有禮貌。而過氣亞洲先生亞軍翟威廉，以無綫大使身份亮相，心情百感交集！

後日舉行的《ATV 2012亞洲小姐競選總決賽》，昨日安排18位候選佳麗會見尚格雲頓（Van Damme）和翟威廉等評判，並頒發「最受傳媒歡迎獎」給(2)葉詩琪，荷里活打星尚格雲頓即席選出心水佳麗，分別是(3)絲域蘭娜．古拉高華、(5)陳瑪莉、(11)齊真晨及(18)孔芊芊。

對東方女性評價很高的尚格透露曾於香港居住6年，亦曾與亞洲女性拍拖，問到拍拖次數，他笑說：「幾多唔講，重質不重量，佢哋絕對標青，其實亞洲男、女性都鍾意，因為佢哋文化背景令到對所有事都抱尊重態度，希望仔女可以喺中國人身上學習到美德。」尚格更大讚林嶺東、徐克及張藝謀三位大導的作品有藝術感，寄望將來有機會合作。

翟威廉返亞視百感交集

而曾於2005年奪亞視亞洲先生亞軍、2010年參選無綫香港先生奪得冠軍的翟威廉，昨日到場即向亞視高層葉家寶問好。對於重踏亞視，他說：「百感交集得好緊要！選香港先生嗰年贏咗好多獎，有人問我點解會贏，我諗都係因為喺舊公司做嘢有幫助。（慶幸唔使返嚟上堂？）喺無綫每一日工作都似上堂。（擔唔擔心到時畀人話唔夠資格做評判？）盡力做，用自己經驗去評選。（覺得自己升格？）冇變，都係凡事要學習。」已有一獎在手的(2)葉詩琪直言隨着比賽日子逼近，心情愈來愈緊張，近日已看醫生調理身體，希望能捱到比賽當晚。