王菀之唔驚封殺：要多啲包容

王菀之（Ivana）昨日到電台宣傳，提到有份參演的《老》劇掀中港矛盾而被網民鬧爆，她說：「矛盾一直存在，冇抹黑任何人，最後帶出嘅訊息係叫人多啲包容。」問到可會怕被內地封殺？她說：「冇驚過，只係將發生過嘅事件搬上螢幕！」對於昨日《好報》踢爆其劇中男友「潮潮」張繼聰同人唔同命，拍兩劇的他於《十大勁歌金曲頒獎禮》得獎分量不及只拍一劇的她，Ivana即說：「阿聰鍾意逆思維，佢係講反話鼓勵朋友。」亦大無畏地表示其金曲《留白》被惡搞成《留飯》：「我聽過，好支持二次創作，梁祖堯都唱咗成首畀我聽。」

張繼聰放鬆心情學車

而自認拍劇初哥的張繼聰昨日大讚Ivana值得獲獎，自言出席頒獎禮純為參與，心情未受認響。近日獲香港駕駛學院贊助考電單車牌的他，昨日到學院上堂，他笑言是受方力申的影響才下定決心，亦已獲歌手太太謝安琪答應，他說：「我睇中咗部三輪電單車，佢話冇咁易跌就OK！好期待遲啲可以載個仔遊車河。」