梁漢文錄歌向菲傭請槍

實力派歌手梁漢文（Edmond）日前獲《娛樂on Show》邀請，與主持俞詠文（Angela）分享錄製新碟的趣事，更暢談歌手「咪嘴」經兼抵死地獻唱泰文歌冧樂迷！

早前忙於籌備新碟的Edmond與Angela大談碟中的熱播歌《MMM》，不過他自踩新歌「超級無聊」，他笑說：「成隻碟我第一首諗到嘅歌就係呢一首，仲要係我幫自己度身訂造，首歌嘅全名係《MMM之13件唔知好過知的事》，嗰13件事包括我屋企有鬼，仲有我老婆以前整過容嗰啲。」

他除了唱盡歌手「咪嘴」之事外，在新碟中更大唱泰文、西班牙語、韓語、菲律賓語及冰島語，不過他坦言菲律賓語的「歌詞」太難掌握，因此他已邀得家中的菲傭姐姐作處女獻聲。雖然他不會獻唱該部分，但亦有即場獻唱泰文歌冧樂迷！

90年代興「MMM」

提到新碟的創作靈感，Edmond即與Angela暢談「咪嘴」經，他說：「其實『MMM』即係坊間所指嘅『咪嘴』，亦係我自己一直都好想講嘅題目。雖然大家依家成日鬧歌手咪嘴，不過喺九十年代嗰時，咪嘴好緊要O架！當時係冇人會鬧歌手咪嘴，因為其實大家都唔知歌手有咪嘴呢回事，亦因為咁先發現原來人生有好多嘢係唔知好過知！」如果想知更多梁漢文與Angela抵死爆笑的訪問內容，就要立即Click上ontv喇！