梁嘉婉鋪路「嗒」柯震東

節目《決戰一分鐘》成為近期城中熱話，其中一位女參賽者憑伸脷、被鏡頭Close Up胸部而成為網絡女神，更被網友火速起底，她就是梁嘉琬！她還有意加入娛圈，與心儀的柯震東合作。

無綫遊戲節目《決戰一分鐘》第二集播出後，梁嘉琬（Whitney）即被網友極速起底，連就讀學校及工作都被一一公開。本以為Whitney會措手不及，但她卻淡定地說：「起初見到自己上咗報紙就有啲驚，但其實都知道大家係為咗工作，又唔係講我衰嘢，所以我都冇咩嘢！（屋企人有冇話你？）冇，佢哋都好支持我參加呢個比賽！（同學點睇你？）喺學校係多咗人認得我，但大家對我好友善！」

對於演藝事業充滿熱誠的Whitney坦言，不排除畢業後加入娛樂圈。問到最想與哪位男明星合作？她笑說：「柯震東！（想做女神？）唔係呀！我真係好鍾意柯震東，好想同佢做戲！」言語間滲透一顆少女心！

參賽求圓話劇夢

現時就讀恒生管理學院英文翻譯系的Whitney，曾參加校花選舉及擔任模特兒，卻自言因想實現夢想才報名參加比賽：「節目中話幫年輕人實現夢想，我嘅夢想就係組織一個英文話劇團，想好好運用筆獎金，所以咪參加！」